][ السموحة منك يا ولد عمي..حب سهيل سرى بدمي..!! ][

][ السموحة منك يا ولد عمي..حب سهيل سرى بدمي..!! ][

للكاتبة :: شمووخي تعداك ..

لو دريت ان السكة هي مكاان التلااقي..
حراام اني ما اباارحها لين التقيك..!!
ياهي نظرة صوبت الخاافق باشوااقي..
وينك من بعد اللقاا انا ماازلت ارتييك..!!


سلامة: عبووووووود..تعااااااااال..الله ينطب جينووه الخاامة..عبوووووووووووووود عنلااتك لا تراابع بطيييح..هااته اقووولك...
عبااادي يركض ولا عليه..ويضحك وبإيده موبايلي ومشغل غنية ميحد قمة..وانا بس عليه اربع وراه ومتمسكة بشيلتي المصلى السمااوية..
هلكت..افففف..ماعلييه ياللوتي..وين بتشرد عنيه؟؟..ماعلييه..انا ورااك..اسميك الا بتنفد دام سلامة بنت علي ورااك..!!
فطامي ختيه ظاهرة من المطبخ وبإيدهاا اورنامين سي وليز احمر..وتتناقز وهي تمشي..
وقفت..
لحظة..
اقولكم..بتفاهم وياكم عقب دقيقة..
جنها الا شالة شي من اكلي؟؟!!!!!
سلامة: فطوووووووووووووووووووووووووووووم..
فاطمة تكح: عنلااااااتج زااد..وعنلااات ريلج الحماارة..بغيت اغص الله ينطبج بعدني ماعرست.. شعنه تزااعجين وفااجة الثم..عووذ بالله..
سلامة:ههههههههههههههههههه..جب اقولج جب..مااايخصج بريلي..
فاطمة: ياويلي عليج..من الحين بدعيله بصلااتي دامه بيااخذج يا الملغووثة...
سلامة: بس عليه يوم انه بيظوي رااسي..وانتي خل ذياااابوووه ولد عمتي غبيشة ينفعج...
فاطمة: علني فداا هالطااري..جنج الا يتيها عالعووق..
سلامة تاخذ عنها الليز الأحمر: هاتيييه..هذا ماليه..منو اذن لج تشلينه؟؟
فاطمة: بسم الله..فظل عنج وعنه..
سلامة: بسج بتنفدين عمرج من كثر ما تبلعين..الشيخة محد بيسويلج فستاان غيره..كل مارحتي للبروفة قلتيله وسع..فظحتينا يداام المصمم..!!
فطامي: اففففف..انزين هي الا مرة..وبعدين هو الخاام مغلط..انا شوولي؟؟
سلامة: خفيلج كيلوين مالت عليج..ولا ذيااب بتشله عنج غرشووبة عوودهاا مسوااااج وبعدين مايخصج باكلي..امبوونهاا ثلااجتي مفظية..
فطامي: امحق..حلااتهاا البنية ملياانة..وبعدين فديته ذيااب ما بيقصر..بقوله يشلني يحوطني وياخذ لي ..
سلامة: ههههههههههههههه..حلم ابلييس بالجنة..الشيخة واايد متأملة بخواانج انتي.. جان تبينهم يزلغوون شعرج اللي مغترة به يمكن..ولا جانج باايعة عمرج رووحي ويااه..
فاطمة: هيه والله ..عنبوو انزين انا حرمته..وهكيه الورقة تثبت..!!
سلامة: عنبوو ثرها الا ملجة..صخي بس صخي..انتي احمدي ربج وصلي ركعتين شكر لنه الله ستر عليج وعبوود الروويتر ماخبر حمداان عن سالفتج..ولا جاان عقرج ..
فاطمة: هيييه صخي..والله فواادي طااح فبطني يوم لقيت عبوود بيناا..
سلامة تضحك من تحت لتحت:ادوااج..عيل مندسة ويااه ورا العرقووب ومورين الضو بعد.. مقوااة عيينج..مادريتيبهم خواانج ما يلسوون.. كله حوااطة..ان خطفوا ولقوا الظوو.. بينتبهوون لكم..
فطامي بحيا: عااد شو اسوي..يلس يشعر لي..الصرااحة سلااامي ماودج تقوومين عنه..والله قصيده غرااااام...
سلامة: اسميه الا متوثق بالقلب..فطوم خلج رزين وعاااقل..شو جيه عاقة بعمرج عليه.. خل يحس بجيمتج..امممف عليج من بنت..ماعلمتج سلامة بنت علي..
فاطمة: امحق سلامة بنت علي دامها بتعلمني اجفى على ذيااب..ماقهر زعله انااا..!!
سلامة: اففف..جنج الا وايد تهذربين..اللي يسمعج يقوول عشر سنين لين تعرسين.. أسبوعين وبتنفدين بيت ريلج..خوزي عن دربي..خل اتصرف وياااه عبوود..
ورجعت اربع..وااحلييلها فطاامي ختيه..اكبر عني بسنتين..في ثاني سنة جامعة...عاد حليلها ما بتكمل..لنه ذياااب ما بيخليها وابصم بالمليوووون..!!
هذا ذياب ربي يسلمكم.. يستوي ولد عمتيه غبيشة...عمره 23..وعلى فكرة فطامي ختيه عمرها 20..وعمتيه عندهاا غيره سعيد 21 وسلطاان 27 ماخذ ختيه العاش...وموووزوووه توأم روحي 18...
ذياب يشتغل فوحدة من الدواير الحكومية..وماشا الله عليه راتبه اوكيه وسااد عمره..ومابجا غير تعسية الحظ اللي بتااخذه..ياويلي عليج يافطيم..تمووت عالترااب اللي يدووس عليها.. اما من صووبه..اففف..لا تتخبروون...امرره متخشع منهاا..هع هع
ووووبخبركم شي..واظني عرفتوا..انا اللي مطرشة لهم عبوود..خخخخخخ
بعد مايفوتني شي..عيووز العااايلة وياا اماايه ميثه..ما ننراام..محد غلبناا..وماعرفت شقايل اتصرف يوم لقيتهم روااحهم..جان استعين بعباادي ولد العااش ختيه..!!
بعرفكم على موووزووه بنت عمتيه..بدق لهاا وبرمسهاا..بس هاللووتي هب مخلني..شاال تلفووني ويراابع به..وانا محطية ايدي عقلبي..ماصدقت يوم حمداان عطااني الظووو الاخضر وشراالي ايااه..ولاباجي العااايلة فيها قص رقااب لو قلنا نبا موباايل..!!
سلامة: عبووووووود..مندس ورا النخلة هاااا..تعااال تعااااااااااااال اقووولك..
عبادي ينتفض حليله ويعطيها الموبايل بكل نظراات البرااءة..
سلامة: خل عنك بس انته..مسويلي فيها بريء..انته لو يركبك يني ما بيغلبك..
هنيه بدت اول علاماات الحرب العوودة..افففففففففففف..اخبركم..
انخشوا تحت لحااف..
تحت طااولة ...
تحت اي شي..
ولاقولكم..ودروا الكمبيوتر شوي..الله يستر..
عبادي يبااغم: وااااااااااااااااء..هييييييييهههاااااهءهاءهىى هىههه ههه وااااااااااااااااااااههىه ..ههههههااااااااااهىىىهيييهيههيهىهىاواااااااهيا هيه يهييههىىىهييهااااهاوااااااااووههييىي..هاااااا ااااا اااهييهىهيهيهىييهواااااااهيهياهيايهيهيااااااا اااها يهايهياهاهايهيهيايههاييي
فدييييييييته يوم يصيح..حليو علني فدااا خشمه..ويهه غدا احمر..وتعرفون اليهاال كيف عااد..مغزز وخااطركم تبوسووونه من اليووم لبااجر..وعااد العااش هب متصاابية ملبستنه كندوورة كركمية وفرووختهاا وااصلة جريب الارض..!!
يونها يعني مكشختنه عسب يروح ويا ابووه جدا العرب بيستقبلون ولد عمي.. راشد..بيرد من بريطانيا ..حليله من ست سنين هنااك..والحين مخلص..وعمره اظنيه 24..
سلامة: وااايه ...عباادي فديت روحك لا تصيح..تعاال بعطيك كاافي..بس موبايلي لاااا..
عبادي:ماليييييييد..
وربع عنيه وظهر من الحوي..متوجه بيت عمتيه غبيشة..عاااااد الحيين بتشتغل وكاالة الروويتر..بيخر الساالفة بكبرهاا للعاااش ..عااد هي ماااترضى على ولدها..بتي وبتغسل شرااعي من الخااطر..و انا من كثر ماتواقع ويااه صاارت عندي منااعة.. عااادي..الحياة حلوة..هع..
شليته..ودقيت بيت عمتيه...
سعيد اللي رد..ربشة هالاخ...وعلاقتنااا عاادية كاي عيااال عمه..ملااسن وسب وتعليقاات ..الخ..!!
سعيد: السلاااااااام عليييييكم..مرحبااا بالشيوووخ..
سلامة: عليك السلام ورحمة الله..مرحباا بك الزوود..
سعيد: وشحااالهااا سلامة بنت علي..؟؟
سلامة: بخير دامها بعيدة عنك..
سعيد:افاااا..هالكثر متولهه عليه؟؟..انزين ماطلبتي شي..الحييين بي عندج..
سلامة: الشيخ ثرنا غيرنا عنوانا..جان تبانا ربع غيااثي هنااك بتحصلني..
سعيد: والعثرررة..شومعفدنج هنااك؟؟
سلامة: لا حوووووول..الشيخ جانك ناوي ادق سواالف طرش لي ثلاث بطاايق رصيد..
سعيد: اكد عليج اناا؟؟..حشا لو حرمتيه ما سويتها لج..
سلامة: امحق ريل ..حرام اني ماخذيتك..يالله يالله..عطني بنانا..
سعيد: سلامي طلبتج..
سلامة: شوووو؟؟
سعيد: اريييد ملة بلااالييييط حاارة ترد لي روحي..وراايه خط لدبي..
سلامة: ان شاا الله بطرش جين توديها بيتكم..الا بتخبرك شوعندك فدبي؟؟<<اشتغلت العيوز
سعيد: غريبة..سلامة بنت علي ماعندهاا العلم..ماخرت لج العلووم اليوم اماايه ميثه.. بنسرح هنااك عسب ورااناا استقبااال لولد الخااال..رااشد ولد خاليه حميد بيوصل اليوم...
سلامة: هيييييييييييييه اعرف..الا نسيت..حليله ولد عمي..اعديبه يوم صغاار..حليله اسميه الا لعنت بوخامس كشته..
سعيد:هههههههههههههههه..هييه احيدج يالمتوحشة..انا لليوم هب فااهم شعنه كنتي تكرهين شعره؟؟
سلامة: لانه كم مرة بووياا يقوله قصه وهو مطولنه..واناماداني حد يخلف جلمة ابوويه..
سعيد: عااد مصيبة يوم انج ما تهونين على خاليه علي..
سلامة: فديييييته ابوويه..مادريبه متى بيعطن من الهند..متولهه عليه.. ما شا الله بتغبشوون بالمطار اليوم..من الصبح هو واصل..
سعيد: لا تطنزين..ثره مالقى حجز..ومافيه يصبر اكثر..تدريينبه

[center]شووق دااربوخليفة خذااه....هذيييه بنانا..
موزة: مرحبااا ملاايين..مرحبااااا مليااار في ذمتيه ولا يسدن...حياا الله شيييخة الحرييم هلاااا وغلااا سلامي بنت علي..
سلامي: فدييييييييييت هالمنطووق اناااا..ما شا الله من ويين ظاهرة الشمس اليوم.. احيدج حتى كلمة هلا متبرية منهاا...؟؟
موزة: هههههههههههههههههههه..لا الغاالية هب لج..الا بغيت ادرب على الترحيب اللي برحبه لولد خااليه..رااشد..
سلامي:اوووف..صدق نسييينااا جوليييت سويحااان...والعثرررة..اظني شاادة الحيل بالكشخة..
موزة: في ذمتيه جنج الا عندي..قلبت حجرتيه بكبرهاا..ولابعاارفة شو البس..سلامي فديت روحج تعااالي عاونيني...ادخيييييييييلج..
سلامة: امحق..حشا هب رااشد اللي مسويبج جذه..اخبرج..ثره والله هب راد يخطبج..الا هو راد من السفر..وجان الا بيسلم من ورا خاطره وبيقفيبنا وبيواايه بيته وبينخمد..
موزة: عنلاااتج..انخمدت عليج نااقة قولي آمين..لا ترمسين عن رااشد جيه..
سلامة: انزيين اسوولف..حشا ماتقهرين السواالف..كلتيلي فواادي....وييييينك يابووسنييدة تسمع طوييز وشوووقك شالنهاا..
موزة:آآآآآآآآآآآآآآخ يا قلبي...المهم وانتي شو بتلبسين.؟؟
سلامة: انا عن نفسي لابسة..مخورة غاوية بعدها اماايه ميثه امس مطرشة الدريول يايبنها من الخيااط..وشيلة المصلى اللي عليه هي اللي بتم بهااا..
موزة: اففففف..عاد انتي لو لابسة يونية تظهرين غراام بنت الذين..
سلامة:هههههههههههههه...فديتج هب اقل حلااه عنج..
موزة: هههههههههه..سلامي ترا الكل يقول تووم..وبعدين انتي جسمج اللي محلنج..انا وااحليلي قلم رصااص..المهم انتي بسج هذربة ويالله تعالي ..اتريااج..
سعيد يسمعها: موزووه قوليلها لا تنسى ملة البلااليط..
موزة: فظحتنا الله يفظحك..شووو الطبااخ هب مالي عينك؟
سعيد: امحق..شوطبااخه..غديتن حريم وماتعرفن تسون شي..انا اريد من ايدكن..وانتي ماتعرفين..الا سلامة فنانة..تربية اماايه ميثه..
سلامة: بتخبرج..هذا منو قالة اني انا اللي مزهبة الفوالة اليوم؟؟
موزة: شدرااني عنه بن عرووة قاله..هي هي هي..
سلامة: ها ها ها..يالله اجلبي فيسج يا بنت العمة..بصلي وبغرف له ملة البلااليط وخلاف بحول جدااج..جاااو..
مووزة: جااوين..
حولت جدا الفلة..حدرت ولا اماايه ميثه يالسة تتفااول ويا ام فيصل..(ييرانا من سنين)
سلامة: السلااام عليكم..
ام فيصل واليده ميثه: عليكم السلام ورحمة الله وبركااته..
امايه ميثه: اماايه تعاالي تفااولي..فديتج من الصبح تعاابلين بالمطبخ..
أم فيصل: ما شا الله اليوم بيوصل ولد حميد؟؟
أمايه ميثه مرتبشة على هالطاري: هييه علني فداا روحه..حشا ما بغاا يودرها بلااد الكفاار..
سلامة: اماايه لازم بعد دراسته ..
أمايه ميثه تناولني فنخ برتقال: ادرريبهم اماايه..الا البعد انا ماقهره..فديته.. في ذمتيه ان غلااته من غلااة ولديه حميد..
أم فيصل: عل ربي يباارج لج بهم..وتشوفين ذريتهم..
امايه ميثه تعطيني نظرة: آميــن..امرره من يووصل بخطب له بنت العرب اللي يشله شووقهاا..
افففففففف..عااد اماايه ميثه بدت بهالخراابيط..الله يستر..الحين بتقول تباني حقه..وان قاالت..حرام انه محد يسترجي يقول لا..انا عاادي عندي..يعني ماذكره..بس ماقدر اسوي شي بيضر توامي موزوه..فديتها تحبه من صغاار..ماروم آخذه عنهاا..!!
أم فيصل: تركي عنج انتي بس..سلامة حق محمد ولديه..
ماااحب هالسواالف..قمت بسير حجرتي..
أم فيصل: يماايه ماكلتي..يلسي فديتج..
سلامة: خالتي بروح بيت عمتيه غبيشة..موزة ترتييني..السموحة منكن..
رحت صليت....وانا ظاهرة جدا المطبخ..
امايه ميثه موصلة ام فيصل للباب عسب تروح بيتهم:هااا سلامة شعنه ترابعين ورا عبدالله ولد العاااش..
سلامة : امايه عبادي شال تلفووني وانا اريد ارمس موزة بنت عمتيه غبيشة..
أمايه ميثه: سلاااامتج..من اليووم ماشي تلفوون..هاتيه..هااتيه اقوولج..
سلامة:اماايه عاااد..خلاص آخر مرة..ادخييييلج..ورحت وشليت برقعها..حبيت خشمها ورديته..
أمايه ميثا: عااد انا ماقوى على بزااج..روحي اماايه عن تبطين
على خويتج..
حدرت المطبخ..غرفت البلااليط..وشلتيها ويايه..مشيت بالسكة لين بيت عمتيه..الا هو فرة حصااه..البيت اللي مقاابلنا..يعني عسب اوصله اخطف السكة.. والحمدلله ماتخطف جدانا سيااير واايدة..
وانا ماااشية..اخطف السكة..وبايدي ملة البلااليط..وبايدي الثانية موبايلي..هب متغشية.. وبشيلتي المصلى..موبايلي يرن..شفت موزوه متصلة..
حشا اسميها ماتصبر عن حشرتيه..!!..
بغيت ارد عليهاا..ولا بالهوى مطير شيلتي..رديت بلفهااا..اففف..تبهدلت ويا الشيلة والملة..خلاص مابقا شي..الحين بوصل..وبعدين هي الا قصتي الطويلة اللي ظهرت..محد هنه..!!
ماحسيت الا بضوووء عشاااني..وماقدرت اشووف شي..وصووت عااالي..اماااااياااااااا.
طاحت من إيدي الملة..وطاح موبايلي..صديت معصبة من هالدريول اللي بالسيارة..
هذي سيارة قوم بطي بن غاانم..اعرفه الخااام..والله ماسكت عنه..شو بينفد حياتي وانا بعدني صغيرة..!!
غطيت عيني بايدي..عنلااته ماطفى الليتات..محطنها فل بعد..امحق...
مشيت وانا بعدني مغطية عيني..وصلت لين الجاامة ماله..ودقيت بدفااشة..عااد الحين انا شياطيني نازله..!!
سلامة تزاعج: فج الجاامة فج الله رااسك قول آمين..
من سمع دقي على طول وطى نص الجاامة..معلووم بيخااف وما بيوطيهاا..امحق ماعرف عااد شباابه انااظر به..خاام واحد..
سلامة: حوووه انته ماتخيل..شوها ما تبند الليتات..عميتيني عل الله يعميك مسود الويه..شو تبا تشوف فبناات العرب..هب عيب عليك؟؟..
: السموحة الشيخة ما انتبهت لج..!!
سلامة: مااشاا الله علمتك عذيجووه ترمس شراتنا بعد..ماعلييه ياللوتي..ان ماخبرت عليك اربااب..امرره بينكسل ويزتج..عسب المرة تتأدب وتسووق بذهن..علني بلا سوااتك
جان يوطي الجامة بالكاامل..اول شي شفته عصاامته..اماااياااا..
سهيل: ههههههههههههههههههههههههههه..ختيه حطي الرحمن بصدرج واذكري الله..
وااايه..هذاا موااطن.غربلااات العدوو..بس انا متأكدة هذي سيااارة قوم بطي بن غاانم.. احييده يوطي عذيجة المدرسة كل يووم..اشووفه..وربي متأكدة..منو هذا يسوق سيارتهم؟ اماايه بصيح..وانا مستلمتنه بشرااع وميداف..واايه ان شاافني حمداان ولا الثااني حمد بيقصبوووني قصااب..
: ختيه جنه الا تعوقتي؟؟
حليله يوم شافني تصنمت ومارمست خااف..معذوور ماشااف غير لسااني وانا اهذرب عليه من الصبح..!!
سلامة: أأأأ...لا ...الحمدلله...
سهيل تم مبهت بالغرشوبة اللي يداامه..ملامحها تبين انها كبيرة..وعيونها مرسومة رسم.. وخشمها سليل اما عن الثم..متورد وصغير..ملامحها عذااب وهي متلومة..
امحق..شوعنده هذا يتأمل فمخلوقات الله..عنبوو الدين ما يطرالهم الا من يشوفون البناات؟؟..
تغشيت عنه عسب يحس على دمه..
سلامة: خويه المرة الياية بطل عينك يوم بتحدر السكيك..ثرها مملاية عرب.. وخف من ليتات سيارتك الا جان بغيت تنفد بصرنا..!!
وقفيت به ورجعت البيت مرة ثانية..زقرت جين عسب تشل البلاليط..حرام بيدوسونهاا..خل تلووفها وتعقه فدرسه اماايه ميثه..
وانا ظاهرة..لقيته بعده وااقف..!!!..شعنه بعد واقف هنه..شو يباا..؟؟..انتبهت انه واقف جدا بيت عمتيه..ماحفلت به..وحدرت بيتهم..وهو ملصق عينه فيه..عنبوو احشم ..!!
سهيل تم يطالع سلامة وهي تمشي يدام سيارته..يالله محلااة عودهاا..سبحاان من سوااهاا..جنها الا من هل بوعسكور؟؟!!..واايد تااخذ منه..
وانا داخلة ولاسعيد ظااهر..
سعيد: هلااا والله ..هاا وين اللي وصيتج عليه..
سلامة وبالهاا بعييد: هاا..هييه البلااليط؟؟..الحين جينووه بتيب لك ايااهااا..
سعيد: انزين عيل سمحيلي ربيعي برع..
اشوو..ربيعك؟؟..امااايه..رحت بهاا..ياوليج يا سلامة بنت علي..ان قااله بيعقرني سعييد.. امااياااا..الله يستر..!!

أترااااا الردووود عشااان أكمل القصه

تسلمين

نتريا التكمله

مشكوره على الموضوع


نتريا التكمله

وانا دااخلة الفلة..ولاسعيد رااد دااخل ويزقرني..
بهاللحظة بطني احتاااس لي وحسيت بدووخة..فجاة حسيت اني ميهوودة..الله يستر..
سلامة: عوونك..

سعيد: هذا تلفوونج..شعنه فاارتنه برع..؟؟؟

سلامة: هاا..لا هذا عباادي شاالنه عني ..ويرابع به..ومادريت به هنيه فاارنه..!!

سعيد: ايوااا..واشوفها جين تلووف البلاليط برع..الخامة طاحت عنها الملة..ويون بتيب لي غيرها..عاد انا مستعيل..يوم بي بااكل..

سلامة:أأأ..ماعليه..

افففففففففففف..الحمدلله لك يارب..الحمدلله...الله ستر..اففف..اسميه الا ظربني الحفووز..!!
بسرعة ربعت عند موزوه حجرتهاا..ودفشت بالبااب..
موزة: بسم الله الرحمن الرحيييم..حشاا جنج الا دينفر ويادفااشتج..
سلامة توايهها: دينفر ريلج انا حتى سالي تغاار مني..
موزة:هههههههههههههههه..تدرين سلامة..
سلامة تربع جداها: شوووووووووو؟؟

موزة:ههههههههههههههههههههه..تذكريني بجودي ابت..ههههههههههههه
سلامة: مااااالت عليج..عباالي شي..خوزي منااك..
يلست عالسرير..ويلست اطاالع بالثيااب اللي مازرة الأرض والسرير والكوميدين والتسريحة..حشاا..
سلامة: تعرفين موزوه..لو تلبسين هذيك التنورة الفوشية..ويا هذاك الباادي اللي عالسرير بتغدين غراام..
موزة تتأفف: شو تطنزين؟؟..تدرينبهم خوانيه ما بيخلووني..
سلامة: والله انا لو منج ببوس ايدي ويه وقفى..انتي كل شي مجااب عندج..اما انااا امايه ميثه وااقفتلي فحلجي..ماروم اسوي شي..
موزة:هيه صدقج والله..بس كم تسوى تربيتهاا..
سلامة: هيه علني فداا روحها..ساادة مكان اماايه الله يرحمهاا..عرست العااش..والحين فطاامي..وبتم انا وياهاا روااحناا..
موزة: تعرفين مساعة سعيد يقولي تربية امايه ميثه لا بعلى عليها ويلس يتمدح بج من الخاااطر..
سلامة:هههههههههههههه..قولي الا يتمدح بطبااخي..
موزة:ههههههههههه..لا الشيخة..وتغمز لي..
سلامة: والعثرررة..حرام عليج بناانا...تدرينبه مايفكر فيه..
موزة: ومنو قالج؟؟
سلامة مستغربة: بذمتج؟؟
موزة تيلس حذالها: والله ماعرف..بس هو مساعة قالي لو فكرت اعرس وسلامة ماعرست ما بفوتهاا..
سلامة: وليش ان شا الله ما بيفوتني..طول عمري يدامه ماطرا العرس ولا التحيير..
موزة: لا هو قال يوووم بيفكر يعرس..يون حلااة على اخلااق على طبااخ وكم تسوى تربية امايه ميثه..
سلامة: ياحليلك يا سعييد..اوووووووووووه..على طااري سعييد..موزووه ما قلت لج..
موزووه: شوووووووووو..>>نقلت العدوى هع..
سلامة: موزوه وانا يايه جدااج........................................ ..... .....وقلت السالفة بكبرهاا..
موزوه:هههههههههههههههههههههههههههههههههههههههههههه ههههههههههههههههههههههههههههههههه..آآآآآآآي بطنـــــــــــــــي..هههههههههههههههههههههههه .. عنلاااااااااتج زااااد شوسويتي..هههههههههههههههههه..سلامي لاااااااااا هههههههههههههههههههههههههه..شووسوييتييي..؟؟!
سلامة تحظن المخدة : ماعرف ..اففففففففف..والله ان قال لسعيد ما بيخليني بحاالي..
موزوه: ثره هذا اخو عذيجة..توه رااد من فرنساا داارس هناااك من ست سنين..ويا راشد ولد خالي..بس هذااك ببريطانيا..وهذا بفرنساا..
سلامة: وانا شدرااني ويا رااسج..وبعدين شويبا بسيارة البيت..ماعنده سيارة؟؟
موزة: وانا شدرااني..يمكن الرياال مودي سيارته الكرااج ولا الغسيل ولا يمكن بعده الحين بيظهر له وحدة من الوكاالة..
سلامة: عااااد شو هالحظ العاااثر..يوم انا ظهرت هو ياي..
موزة : سلامي..
سلامة: عونج..
موزة: عااانج الرب علني فداا خشمج..تبين عصير؟؟
سلامة: لااااااااااا..السااالفة فيهاااا شي..شوتبين الشيخة؟؟
موزة: اممممممممممممم..رحيم؟؟
سلامة:علني بلااا لساانج مسودة الويه..شوعبااالج بيلس اتامل به يالخااااامة..صدق ما تخيلين..لا الشيخة هب شرااتج مضيعة المذهب..
موزة: بسم الله..كلتيلي فواادي..شوي شوي انزين..حشا ما يرزى سؤال مااكل فواادي وقلته..
سلامة: المره خليه يااكل فواادج اكاال الا لا اظهرينه لي..
شوية ولا العااش دااشة..
العاش: موزة غناتي يودي عندج روضة بروح المطبخ بعااون عمتيه..
سلامة قامت وايهت اختهاا:فدييييييييييت رويييييييض اناا..هاتييهااا..
العاش: ظكي انتي هنه..شعنه مظاايجة بولديه؟؟
سلامة: اناااأ؟؟
العاش: لا انااا..مسودة الويه..خليه يتعبث به فديته..
سلامي: ازيييين خلاااص..يوم بشووفه بعتذر له..هاتييهاا..
وشليتها عنهاا..ويلست الااعبهااا وجيه..وموزوة بعدها تعاابل بالثياااب لين قررت تلبس شرااتي وبس..
خلاف قمنا ورينا الظو ولفينا البيت ندخن..ويلسنا بالميلس..
موزة: سلااامي دقي حق اموون..اشووفها ماشرفت للحين..
سلامة: ويديه..وين بتشرف بعد..تلاقينها مرتبشة فالبيت تعدل فلة رااشد..
موزة: عيل خلاص ما بنزعجها..يوم بتخلص روحها بتي..
فترة صمت..موزة تعدل المخدات..وانا يالسة العب بعقص شعري وسرحاانه..
سلامة: موزووه..
موزة مستغربة من سكووتي الغريب من يت عندهاا..والحين يوم نطقت اسغتربت الزوود..
موزة يت يلست حذالي..
موزة: هلا..
سلامة:خلاص ماشي..
موزة استغربت: كيفج..
مر الوقت..وكلن رااح بيته..لانه راشد بيوصل عالفير..فبنسير..والصبح بني عندهم..اتفقنا وانا وموزووه نروح سواا..
انا بهالليلة ما رقدت..كل تفكيري بهااك اللي لفيتبه بالسكة..يالله شوهالموقف الباايخ.. الله ستر عليه يوم انه محد من خوااني ولا عيال عمومتي شافني ولا عزااني الله جاان سووبي جريمة..!!

وتريوني

تريوني

وانريا الردووود

موزة..تساااهلين..

المهم..

ظهرنا..وخطفنا السكة...واحنا خااطفااات...كانت سياارة قوم بطي بن غاانم خاطفة..ومن شاافنااا وقف..موزووه مااااااتت ضحك من عرفت السيارة..اما عن نفسي لعنت السااعة اللي قلت لها فيها عنه ..خاااامة فظحتني يدااامه..

انا الصرااحة ما صدييت ولا موزة..بس اموون خلاف قالت لي انه كان يطاالعني ومبتسم.. آآآخ يا قلبي..


اويه..شو آخ يا قلبي..افففف...بلاني خرفت..

المهم..عقب اسبووع..


ماقمت اشووف خوااني وايد..ولاقوم سعيد ومحمد وبطي او سلطاان..وفطامي ختيه بتموت لانها ماتشوف ذياب بعد..عدا حمداان خوويه اللي كان موجود..وفطاامي ختيه موهقتنه عسب ظهرااتهاا للسووق عسب الزهبة..

تعرفوون ليش كل هاليولة؟؟

مسوين لرااشد جولة سيااحية بدااربوخليفة..ومودعين جدا العااصمة ومبيتين هنااك اسبووع..!!

بس سعيد ولد عمتيه كان باليوم يتصل بي كم مرة..ويتخبر جان محتاية شي ولا فخااطري شي..الصرااحة هو ابد هب مقصر..واحسه واايد يهتم بي..حمدان وحمد ماكانوا يعلقوون.. ومخلينه عرااحته..لو غيره من عياال عموومتي جان قصوا رقاابهم.. بس ماعرف.. بويه وخواااني مخلينه عرااحته ويايه..طبعا خوانيه ساعات يلومون بويه..وعاد اماايه ميثه دوم تتهاازب على هالسالفة..لانه موكل سعيد بكل حاياتي..حتى ساعات اتلوم بسعيد..!!

بس شو اسوي..حمدان فبووظبي..وحمد شراات الشي فمعهد البتروول..وسعيد دوم هنيه وهو الاقرب لي..

حدرنا البيت..مالقييينا حد..رجعنا خااري ..وانا اتحرطم..

سلامي: شفتي..رااحت عني..قلت لج خل نرد فطاامي بتسرح جدا دبي ما طعتي..حد يفوت الظهرة ويا الدرييييييول.فطاامي ما صدقت يوم قالها حمدان روحي انا مشغوول..كم تسوى اغااااني الجسمي..احنا هنيه محرم علينا نحط غير ميحد..ولا مواااقع البشكااارة وياااه...افففففف فااتني..كله منج طويييييز..

موزة مستهمة: اسكتي امبووني مقهوورة الزود عنج..عيل انا بنت عمته ما سال فيه ولاتخبر..شومن قلب عليه..

سلامي: ثره مشتااق للداار..خل يشفي عووقه وخلااف بييج ركض..وبعدين هاك اليوم كان تعباان..

موزة: ماحيده تعباان يوم يرمس ويضحك وياج بالصالة..ولا هاك اليوم فالعزبة..وعااد كله ولا سوالف المواادع يوم كان بيسرح بووظبي..عينه ما شلهاا من عليج..

سلامي مفججة عويناتها: موزوووه شو قصدج؟؟

موزة: ماااشي..خوزي عني بروح بيتناا..اووه نسيت اقولج..سعيد يقولج بيتصل بج عسبة المول خلاف لا تغلقين موبايلج..فمان الله

ومشت لين الباب العوود..

مسكتنها من إيدهاا ..

سلامي: ورفجة بوخلييفة تنطقين..

موزة هدتني ومشت بالسكة..يلست اطالعها ثوااني..هذي تخبلت محطيه فبالهاا راشد يباني؟؟..


ربعت وراهااا..ومسكتها فنص السكة..

سلامة: موزوه عن الفظاايح دشي داخل خل نتفاهم..

موزة الغبنة بعيونهاا:ماريد..

سلامي : يالله سلامي..وغلااة راشد عندج تدخلين..

موزة اطالعتني ثوااني..وخلاف مشت لين بيتناا..

وقفنا عند الباب..

سلامة: بنانا..ورااس امايه ميثه اني ماحب راشد..ولافكرت به..وصدقيني انا حااسه انه ما يفكر فيه..

--والله..واحلف يمين..ماعرف كيف قلت لها هالرمسة..وانا متأكدة مليوون بالمية انه رااشد هب طبيعي..--

مااحسيت الا بموزووه تلوي عليه بقوو..وتصيييح..من خااطرهااا تصيح..غمظتني..لويت عليها انا بعد..ويلست اسمعها وهي ترمس..عل يظهر شوي من اللي فخااطرهاا..

موزة: سلامي بموووت بدوونه..وربي أأحب..أحبه...ويينه عن...عني مايحسس فيه.. متعذبة بسباابه..وهو...هب داااري..شو من عذااب هذا يا سلااا..لااامي..!!

سلامي: فديتج موااز لا تسوين فرووحج جيه..مصيره بيحس بج...بس انتي اصبري..

دخلتها اقرب مكاان..وهو الميلس..يلسناا هنااك..وحااولت اهديها..يبت لهاا مااي..وخلاف هدت..

موزة:سلامي سامحيني..ماكان قصدي اشكك بج او اتهمج بشي..ورجعت بتصيح..

سلامي تمسك ايدها:لاحووول..احنا شوقلناا..خلااص مانريدها هالدمووع..وبعدين انا عااذرتنج مليوون مرة..تعرفين ليش؟؟

موزة: ليش؟

سلامي تبتسم لها: لاني عاارفة شكثر انتي مشتااقتله ..وعاارفة شكثر تحبينه..وصدقيني لو صار بيوم وبغااني..بقووله بالويه اني ماريده..بس انا ماحس بشي من صوبه..صدقيني بنانا..

موزة تلوي عليه:فدييييييييييتج سلااامي..ريحتيني ربي يريحج..

سلامي تمط شعرها: دبه وحدة..سويتيلي فلم هندي..بس تعرفين..زين سويتي..فلم هالاسبوع اللي بسما دبي فاتني..وكله من سبة اخووويه حمد..

موزة:ههههههههههههههه..حمد؟؟شعنه بعد هب مخلنج تشوفين الفلم؟

سلامي: والله حاله من حالج..شوق بنت العم شالنه..حشا جاني هب متفججة منكم انتوا الاثنييينه..

موزة:ههههههههههههههههههه..ياااحيه ولد عمتي متوثقة فقليييبه امووون..

سلامي: هيه والله..بس ماعرف..احس انها تميل لسعيد اخوج اكثر..

موزة: لااا ...ماعليج..تلاقينها تسولف وياه وجيه..وتستحي من حمد..

سلامي: ماتفوتني هالسوالف,,انا هاك اليوم كنت ارمسها وحسيت انها تميل لسعيد..

موزة: والله بس عليه سعيد يوم بيوظويها..حرمة بيت..وياويلي عليك يا حمد..جانك تحس بمعاناتي..

سلامي: مصيرهم بيحسون بكم..


موزة تغمز لي:اندووكم..نسيتي توها تقول حمد ذوبهااا..ويا رااسج..وانتي متى دوورج؟؟

سلامي:بتبطيييين..انا اللي بيااخذني بياكل مني سب ولعاان وخلاف بحبه..

موزة:هههههههههههههههههه..شرااات عرب فرنسااا..وترقص حواايبهااا..

سلامي:عنلاااااااااااات صداااااااج...عرب فرنسا يون..حي جانه الا بيخشعني..لا لا لا..

موزة: مردج بتتحنيين له..وخلاف قولي موووزة بنت ....... قااالت..

سلامي:ييهاااا..قلناالج القلب مقفل بميه قفل..لااااوبعد اسويييبه صياانة..لا عرب فرنسا ولا غيره بيوقفون الصيانة...

ماسمعنا غير حس حد يظحك..اوييييييييييييييه..والعثرررة امنوو اللي يتصوخ من الصبح..

موزة شهقت وغطت ثمها بإيدها..اما عن نفسي شليت بعمري وربعت عند الباب..

أكييد حمدااان يتصووخ..ماعليييه ..

وانا اركض تخرطفت بعتبة الباااب..وزيين ما طحت على ويهي..لولا هالإيد اللي مسكتني جاان انكسر خشمي ..!!

لحظة..

إيد؟؟

اويييييييييييييه..هذا اللي كان يتصوخ مسااعة..افف..الطيحة نستني..رفعت رااسي بشووفه..

بس..مااكاان حمدان..

اطاالعته بخووووووف..بلعت ريقي بصعوووووبة..ويلست انتفض..خوز إيده عني..

سهيل: سلمتي..

شفت من وراه حمداان خوويه ياي من صوب المطبخ..امااياا..ان شاافني بيقصبني..بسرعة ربعت دااخل..


سلامي تشاهق:مووزووه نشي..بسرررعه حمداان ياااي..

موزة: انزين خل اي..ثرني متشيلة..

سلامي:لالالالالالالالالالالالا..بناانا..ويااه وااحد..

موزة قاامت تنتفض: اشووو..ياويلي الحين شقاايل بنظهر؟؟

سلامي:ماعرف ماعرف..بصيييييح..

موزة: ويااارااسج يالله شغلي مخج..شو نسوي..وتمت تنااقز من الحفووز..

حمدان:اقرب اقرب..حيااك الله..

سهيل:قريب عل ربي يسلمك..ادخل قبلي..

حمدان:لا ادخل فديتك..الداار داارك..

سهيل ما كان وده يدخل ويجابل خواته..فكان يفضل يدخل حمدان قبل عسب يتلاحق عالموقف..

موزة اتمطني من شيلتي:سلااامي انطقي كييف نظهر..؟؟

انا من الخووف والقفطة هب راايمة استوعب..الحين هو سمع رمستنا عنه..وتخرطفت يدامه..لا وبعد مسكني..وشااف ويهي..والحين بيدخل عليناا..حشاا ماصاار..هب انا اللي انحط بهالموقف..

بسرعة مسكت موزوة من ايدها..وربعنا لين آخر الميلس..واندسينا ورا تحفة عوودة كاانت محطااية ..وصدق على اجساامناا ما كنا نبين..!!

حمدان حدر..ووراه سهيل..

سهيل مفتظح فالبنات اللي دااخل..ومستغرب وين اختفن جيه..ضحك فخااطره..أكيد مندساات ماشي باب ثااني للظهرة..!!

يلس يتقهوى ويسوولف ويا حمدان لانه منرد من فرنسا وهو هب شايفنه..مع انه ربيعه من صغاار..لين افترقوا عقب الثانوية..

وخذتهم السواالف..وكلهاا عن خاايساات حمداان..اووه..نسيت اخبركم..اخويه حمداان..أكبر مغاازلجي فسوييحاااان..مغطي على كل المفلع..عافاناالله..يصرف عليهن دم قلبه..على شوماعرف..الشيب بيظهر برااسه وهو بعده مخااونهن..ولا ازييدكم..محير بنت عميه نوورة..وااعليه ماتدري عنه..لو درت جاان سوت يوولة..هو يحبها ماقولكم يلعب...بس ماعرف شو مشكلته..ما يصبر عن الحريم..!!!

بس اللي مااستوعبته من رمسة حمداان..

حمدان:وانته اخباارك ويا الحب؟؟ويغمز له

سهيل:هههههههههههههههههه..لااا تتخبر..امرره ذاايب فالهوى..

حمدان:هههههههههه..عااااش عاااااش...من وين ظااونهاا بعد..

سهيل: ياريااال شو من وين ظااونهاا..ثرها بنت جباايل وعرب..الا القدر كتب لي التقيبهاا

حمدان: الحين انته شفتها مرة وعيبتك ...وتقول حب..شو حبه يااخي..

سهيل:صدقني الموقف اللي جمعنا حسيته مستوي من زماان..ماعرف والله..تعرف..ماذكر غير سبها ولعاانها لي..

حمدان:هههههههههههههههههههههههههههه..حي..متخشع من وحدة عطتك بالويه..

سهيل:ههههههههههههههه..شفت عاااد..قلناالك لا تتخبر..الظااهر ما يعيبوونها عرب فرنساااا..

عنلااااااااتتنه..ينغز بالرمسة بعد..مااعليه يالخاام..

حمدان:ههههههههههههههههههههه... بس عليها يوم انها ظوت رااسك..شيخ الشباب..

سهيل:هههههههههه..سلمت سلمت..ولك مني هالابيااات اهداااء لعرب سوييحاان..

يوم قااال جيه موزووه مسكتني من شيلتي..جان اصد لها..كنا مصدوومات وخاايفاات لا يبين شي زوود عن اللي قااله..الله يلعنه شوقصييده بعد يبا يقوووله لخوويه.؟؟؟... وعرب سوييحاان يون..الله ستر وحمدان ماعلق..ولا اللي بسويحان كلهم من عربنااااا

سهيل:

تلاقينــا بصدفـة ماهــي بمسمـووحة..
وفثــوااني سلبتـــي منـي فــواادي..!!

بحســج طـــاابت بقلبـــي جرووحـــه..
وارتحـــت من عقب جفـــاا الرقاادي..!!

اشهــد انج غرشـــووبة لاو مملووحـة..
انشــد طيبــة قلبــج وامد الايــاادي..!!

غـــلااج فخاافقـــي شيـدله صرووحـه..
وما ظنتي بيخييب فقربج اعتقـاادي..!!

بنطــق بكلمــة وعقبهـا السمــــوحـة..
أحبـــج وماهمني لو فيها سهااادي..!!


تريوني

مشكور على القيصدة


نتريا يديدك

امدمجت

نتريا التكمله خيتو ..